十五、夫妻贪婿

十五、夫妻贪婿

    相公饮罢辞生转，归房又对老妻言：好个高才梁秀士，必然身近帝王边。心中爱佢为吾婿，点得佢先传红叶到堂前。夫人答道真登对，爹为阁老做人贤。几好便时开一句口，等佢差媒来问正遂心田。相公又对夫人语：佢个花园阔大百花鲜。开个横门通过去，等我日长闲暇过佢花园。此子情亲如子侄，与生谈笑乐余年。